نشرت صفحة “شرطة المشاهير” عبر موقع التواصل الاجتماعي “انستغرام” نبأ عودتها من جديد، بعد وفاة مؤسس الصفحة راغد قيس منذ عدة أشهر، دون الكشف عن هوية الأشخاص الذين سيديرون الصفحة.
ونشروا صورة لراغد وكتب عليها: “مهما تعملوا انا مكمل وطالما راغد عم ياخد نفس الشرطة مكملة وما في شي بهزها وثقتي بالناس اللي بتحبني وبتحب شرطة المشاهير واللي آمنت بهالخط من البداية”.
وتابع: “هيدي كانت وحدة من عباراتك يا راغد حبيب القلب ومن أسرة شرطة المشاهير منوعدك انو رح نكمل ونفسك وروحك بعدا ورح ضل بالصفحة بكل لون وسطر وصورة وضحكة وحزن متل ما كنت مميز بكل حالة وبكل وقت . طول عمرك كنت كبير بأخلاقك وتوقف مع الضعيف بوجه القوي والفقير بوجه الغني والمريض بوجه المرض والحق بوجه الظلم ونقدك ولو جارح ببعض الأوقات بس حقاوي وما حدا قد ما كان قريب لنهجك وطريقة كتابتك رح ياخد محلك لأن الناجح هو اللي بيتميز بقلمو وفكرو وطريقة شغلو ، هيك إنت علمتنا “.
وفي سياق الرسالة تم توجيه شكر لكل من قدم واجب العزاء في راغد يقول: “شكر من القلب لكل شخص تقدم بالتعزية عن روح الغالي راغد ولكل شخص ما تقدم بالتعزية أو انبسط فكرو ارتاح من شخص كان عقدة لكتير تافهين ، شكر من القلب لكل شخص بعدو ولتاريخ هيدي اللحظة ايمانو كبير وما نسي شرطة المشاهير وناطر رجعتنا ، شكر من القلب ومن روح راغد لكل شخص وقف حدو وكان صديق حقيقي وخاف عليه وفكر في قبل نفسو ( بينعدو عالأصابيع ) ولكل شخص صار راغد بالنسبة الو خبر كان “.
وختم قائد الصفحة ملاحظة يقول فيها:” ملاحظة: بالنسبة لكل خبر عار عن الصحة طال سبب وفاة راغد أو أي خبر بالمستقبل ما حدا ينتظر أي رد أو توضيح لأن أي شي حقيقي ولازم تعرفوا بتم نشرو على منصات التواصل الإجتماعي التابعة لشرطة المشاهير ، وقتنا مش لبياعي الحكي”.
ونشرت شرطة المشاهير فيديو يؤكد أنه ستتم انطلاقة جديد للصفحة قريبًا.
اترك تعليقاً