متابعة- بتول ضوا
يزخر الموسم الرمضاني لهذا العام بالعديد من المسلسلات التي جذبت الناس منذ حلقاتها الأولى بمشاهدها الممتعة وحبكتها الدرامية المشوقة. ومنها مسلسل “النار بالنار” بطولة النجمة السورية كاريس بشار والنجم اللبناني جورج خباز.
وفي إحدى حلقات المسلسل أشعل النجمين جدلاً كبيراً عبر مواقع التواصل الاجتماعي بمشهد المواجهة الذي قام بينهما.
وأظهر المشهد استياء وغضب كاريس التي تؤدي دور “مريم” في المسلسل، من يافطة معلقة في الشارع كُتب عليها “يمنع تجوال السوريون بعد الساعة الثامنة مساء”.
لتدخل بعدها مريك في مشادة كلامية حادة مع “عزيز” الذي يمثل دوره جورج خباز.
وفي الحوار، الذي يلقي الضوء على ظاهرة “العنصرية”، يقول عزيز لـ مريم: “انتو جايين هيك وقحين ما عندكن جنس الحيا، إلك عين تحكي إنت؟ ماضيكن معنا بشع وحاضركن على ابشع، انا محلك بحط راسي بالأرض”.
لترد عليه مريم بالقول: “اول شي مو نحنا اللي اجيناكم بكيفنا، انتو اللي بعتو ورانا، وتاني شي لولانا كنتو هبرتو بعض”.
ليكمل عزيز: “نحن بعتنا وراكن على أساس قوات ردع عربية صار بدو مين يردعكن. قعدتو عنا 30 سنة عم تردعوا مدري مين ومدري شو، بعدين لما خلصت الحرب بقيتوا ميّقطين على قلبنا متل الكابوس، شو بتعرفي عن المدفون، شو بتعرفي عن ضهر البيدر، عن عنجر؟ انت شي مرة قاعدة على ربطة الخبز لما يقشطك ياها ابو سن دهب تبع الحاجز، كنا اذا اخدنا نفس يشلحونا نصوا، إلك عين تحكي كمان”.
لتعود كاريس بشار بالقول: “ما بدها كل هالموشحات، حمال حالك ونزال عالشام وورجينا المراجل، ليقاطعها هو قائلاً:”ما بدي انزل عالشام، روحي انت عالشام”، قبل أن يختتم المشهد باستهزاء مريم من عزيز بالقول: “وينك يا ردع بيكتبوها سوريين مو سوريون يا مثقف يا فهيم يا فينيقي”.
ويتألف المسلسل من 30 حلقة، يناقش العلاقة بين الشعبين السوري واللبناني في 30 حلقة، من خلال قصة مُدرِّسة سورية هربت من وطنها الذي مزقته الحرب، لتجد نفسها عالقة في بيروت. وحيدة ومن دون أوراق ثبوتية، فيتوجب عليها مقاومة الواقع بهدف الاستمرار والعيش في مدينة لا تعرفها قط.
