متابعة – شادي علوش
كشف أحد أصدقاء المخرج المصري أحمد ثروت، عن تطورات حالته الصحية وذلك من خلال منشور له على “الفيسبوك”.

وكتب الصديق: من فترة كنت كتبت على قصة الضغط العصبي وإن مافيش حاجة مستهلة وده كان بسبب حبيبي وصديقي أحمد ثروت اللي عنده 31 ولا 32 عاما.

وهو عنده شركة في مجال الدعاية والإعلان.

وتابع: زميل صنعة زي ما بيقولوا ومن شوية ضغط في الشغل في خلال السنوات اللي فاتت جات له جلطة في عينه الشمال والحمد لله بتتحسن.

لكن تطور الموضوع أكتر وجه له مرض في الأعصاب نادر أوي أوي اسمه “متلازمة الميلر فيشر”.

وده مرض بيجي ١٪؜ في المليون بيخلي الجهاز المناعي يهاجم الجهاز العصبي وحاليا مأثر على رجله الشمال تماما واليمين بنسبة ٥٠٪؜ زي ما أحمد قال لي.

وأضاف: الحمد الله عزيمة أحمد في حتة تانية خالص وبيهزر وبيضحك ومؤمن ومبسوط أن ربنا اختصه.. بس النهارده يوم مهم جداً.

أحمد سافر لألمانيا علشان المرض ده محتاج مركز متخصص لعلاجه والنهارده هيسحبوا عينه مياه من المخ علشان يحددوا الموضوع أكتر ويحطوا بروتوكول للعلاج بإذن الله.

واختتم : بناء على نتيجة النهارده هيتحدد حاجات كتير أوي.