متابعة – شادي علوش
كشفت الممثلة المصرية الشابة ندى عفيفي عن تعرضها للضرب والشتم من جانب الفنانة لوسي.
وذلك اثناء مشاركتها معها في مسرحية الحفيد .
وكتبت ندى عفيفي عبر فيس بوك:
هخرج عن صمتي وأتكلم وانا مرفوعة الراس ومش هتكسف أقول اللي حصل معايا فى عرض الحفيد.
اولا بأكد كل معلومة اتكلموا فيها زمايلي من انتهاكات حصلت في حقنا وكان سببها الفنانة لوسي.
وبالعكس في حاجات كتير وتفاصيل كتير متقالتش.
وأضافت : وعايزة أقول أحنا مكناش ساكتين ضعف أو تهاون في حقوقنا أبدا بالعكس أحنا كنا ساكتين احتراما للتحقيقات اللي كانت بتحصل والقائمين عليا وحب في سمعة عرض الحفيد والمسرح القومي.
بالرغم من تصريحات الفنانة لوسي في برنامج الأستاذة لميس الحديدي واللي كانت كلها افتراءات وتخلو تماما من أي شيء من الصحة .
وتابعت : الواقعه اللي تخصني وهي أن الفنانه قامت بضربي وشتمي أمام الجمهور بالفعل مما أصابني بالذهول.
وسابتني على المسرح وخرجت وما كان مني إلا أني احترمت المسرح القومي والجمهور الغالي وزمايلي وكملت شغلي.
لكن فور خروجي من على المسرح أصابتني نوبه انهيار.
ومع ذلك كملت العرض زي أي فنان محترم وبيحترم شغله والخشبه اللي واقف عليها .
