متابعة – شادي علوش
ظهرت الممثلة المصرية المعتزلة هدى رمزي، بعد 29 عاماً من الغياب.
وتحدثت في اول ظهور إعلامي لها، عن سبب اعتزالها وارتدائها الحجاب.
وما إذا كانت تنوي العودة إلى التمثيل مجددا.
وقالت هدى التي ظهرت بدون حجاب :
أنا متحجبتش ولكن أنا احتشمت، لأن الحجاب له مقاييس أخرى، وماليش علاقة بين الشيوخ، وأنا كنت محتشمة فقط بحط حاجة على الرأس من باب الاحتشام.
وبعدين شيلتها بعد حوالى 25 سنة.
وحول السبب الحقيقي لاعتزالها قالت رمزي :
ابتعدت لأسباب شخصية، وبحب الفنان اللي بيحتفظ بالخصوصية في حياته، واكتشفت أخيراً إن الناس بقت تقول واحنا مالنا؟ لما تسمع المشاكل اللي بيطلبوا يعرفوها.
وحول رغبتها بالعودة عن اعتزالها قالت :
مبسوطة إني بظهر لناس أنا كنت بعيدة عنهم ولكن كنت بتابعهم، وأنا ضد فكرة الاعتزال، والفن مفيهوش اعتزال.
وممكن الفنان يبعد شوية، ولكن يعتزل من إيه؟ أنا مبتعدة فقط.
أنا ابتعدت تماماً، وكنت قافلة باب إنه يتعرض عليا أعمال، بس مفيش حاجة اسمها اعتزال، أكيد بحن.
وتابعت :بس المشكلة إني مش عايزة أعمل حاجة الناس تقول هي إيه اللي رجعها.
إن ماكنتش حاجة تليق وتخليني أعلى، يبقى على الأقل أفضل مكاني.
