متابعة – لجين اسماعيل :
أثارت الإعلامية الشهيرة “سما أحمد” الجدل بعد الأخبار. التي تم تداولها بشأن هروبها من حفل زفافها في مدينة الشيخ زايد.
وقالت الإعلامية سما أحمد إن والدتها مريضة وأصيبت بجلطة، مضيفة: ” الستات المصرية لما بيتعبوا بيحبوا يطمنوا على بناتهم،. فقالت ليا يا سما عايزاكي تتجوزي فلان. فقلت لها حاضر لأني عايزة أريحها وتبقى مبسوطة”.
وأضافت: “لم أعرف خطيبي جيداً. وعرضت على والدتي أن تتيح لي الفرصة من خلال فترة للخطوبة. للتعرف على شريك حياتي. إلا أنها رفضت وطلبت أن أتزوج مباشرة”.
وتابعت” خلال 10 أيام، فقط، تم الاتفاق على عقد القران. وشراء الفستان، كاشفة: “لقيت نفسي بتجوز وأنا ماتكلمتش معاه ساعتين على بعضن. أنا مش عايزة أزعلها وأضايقها. فقلت حاضر هضغط على نفسي عشان أشوف الفرحة في عينها. لأنها مريضة والحالة بتتدهور”.
وواصلت: “أنا مخطوبة من بني آدم أول مرة يقعد جنبي. وأول مرة هيمسك إيدي، والمعازيم قالولي حاولي تنبسطي. لكن أنا كل اللي كان يهمني نظرة ماما إنها فرحانة. وسبحان الله المأذون اتأخر، ولما المأذون جه. وبيكتب القسيمة قمت قولتله قدام الناس أنت شخص محترم وجميل وفيك كل الصفات الحلوة. أنا آسفة أنا مش قادرة أكمل”.
واختتمت: “أخدت فستاني ومشيت ومش قادرة أواجه حد. الدنيا اتقلبت وقالوا هربت، بس أنا مهربتش. ولا عملت دا عشان أركب التريند. مش هركب التريند على حساب نفسي”.
