متابعة – لجين اسماعيل :
عبر منشور على”فيسبوك” كشفت الفنانة “نشوى مصطفى”عن سبب تعرضها للاكتئاب في بعض الأحيان. وأسباب اعتذارها عن الأعمال الفنية.
وقالت: “حاحكي لكم حكاية على سبيل الفضفضة وآسفة لو حازعجكم. بقالي فترة طويلة مش باشتغل التمثيل اللي أتمناه. اللي هو طموحي، واللي هو أنا لحد اللحظة دي مامثلتش طموحي. ولا حتى شبه طموحي، إلا في شوية أعمال يتعدوا على الصوابع. ومنهم مثلًا المسرحية اللي كتبتها على مقاس أحلامي في التمثيل. أقصد سيلفي مع الموت، ولأن الكلام ده كان من أربع سنين فالتمثيل وحشني أوي”.
وأضافت: “كنت فاكرة أن أي شغل حيجى لى حوافق على طول. لقيت نفسي بيتعرض عليا أدوار باقراها واعتذر. وبعد ما اعتذر اقعد فترة مكتئبة وألوم نفسى طيب ليه اعتذرت. فنفسى ترد تقول لى ماهو انتى ماحسيتيش إنك حابة اللي قريتيه يومين تلاتة وانسى”.
وتابعت: “كلمت ربنا وقلت له يارب أنا مش فاهماني وحضرتك اللي خلقتني وعارف نقط ضعفي. وطلبت منه يفهمني ويرضيني بالمقدر ليا. وسبحان الله بافتح فيسبوك لقيت بوست مكتوب فيه. من يترك كل أمره في يد الله سيجد يد الله في كل شيء يخصه. وعلى طول غمضت عينى وابتسمت لأن حسيت إن ده رد ربنا سبحانه عليا. وبعدها قعدت أردد اللهم إني أسلمت لك نفسي ووكلتك أمري فأنت حسبي ووكيلي. وصلى الله على سيدنا محمدًا النور وأهله”.
