متابعة: روان ديوب
تحدث الفنان وائل الفشني خلال تصريحات صحافية عن موقف جمعه بالفنان تامر حسني، سانده فيه. مؤكداً أنه يحب تامر حسني ويسمع أغانيه دائماً، بالقول: “هو ورامي صبري وحماقي”، ومؤكداً أن “رامي هو عِشرة عمره”.
وتابع الفشني قائلاً: “رامي صبري صوت من الأصوات اللي أنا بعشقها هو وحماقي ومن أكتر الأغاني اللي بحبّها لحماقي أغنية “مابلاش”. وأنا الناس بتحب صوتي وبتحب الشجن اللي في صوتي عشان اتعودت عليه”.
وكشف الفشني عن موقف خاص حصل بينه وبين تامر قائلاً: “قابلته مرة زمان في ستوديو بالشيراتون. كنا واقفين نشرب سجاير وهو بيتضايق جداً منها، فدخل زعّق لصحابه، وأنا اتكسفت لأني معرفوش فخرجت برا. وهو ساب كل حاجة وجاء يصالحني ورضاني”. وأضاف: “هو محترم جداً وأنا مش هنساله الموقف دا، لأني لمست فيه إنه إنسان جداً ونقي وحبيته في الله جدًا”. وفقاً لما جاء في مجلة لها.
وأشار وائل الفشني إلى أن أغنية تامر حسني التي تحمل عنوان “كل مرة”، والتي غنّاها الأخير في فيلم “سيد العاطفي”، كان يشاركه العزف فيها. مؤكداً: “تامر راجل محترم جداً وبيساعد خلق ربنا وأنا بشكره على وقفته مع الناس دي. وبقوله ربنا يكرمك ويزيدك ويقدّرك على فعل الخير أكتر وأكتر”.
