متابعة – لجين اسماعيل :
تحدثت الفنانة “هنا الزاهد” خلال لقاء ببرنامج “معكم منى الشاذلي” عن مرض والدتها بسرطان الثدي. ورحلة علاجها، وانهمرت في البكاء قائلة:
“ربنا خرج المرض وصرفه الحمد لله بس بعد كده جت الفترة الأخيرة حصلها مشكلة تانية. افتكرناها خراج زي ما أحنا متوقعين قبل كده، بس طلع ورم خبيث”.
وأضافت: “الخبر جالي في التصوير، لقيت فرح أختي بتكلمني وقالتالي حاجة ضايقتني. وكنت المفروض بصور مشهد بضحك فيه، الناس مش عارفة إن الواحد ساعات بيضحك بس هو بجد من جواه بيضايق”.
وتابعت:” اليوم ده مش بحب افتكره، وفرح كلمتني وقالتالي لو أنتي يا هنا ماما راحت للدكتور. والنتيجة طلعت عندها ورم خبيث”.
مشيرة إلى ما عاشته من ألم وضيق. حيث أوقف المخرج والمنتج التصوير لساعات معينة لحين اطمئنانها على أمها. ثم عادت واستأنفت التصوير.
وفي نصيحة منها استكملت:” عاوزة أقول للناس متستنوش على نفسكم لحد ما الدنيا تبوظ خالص. لو أنت شاكك في حاجة روح أكشف. ماما قالت أنا مش هعمل العملية، قولتلها يا ماما معلش عشانا أحنا من غيرك مش هنعرف نكمل، فراحت عملت العملية».
واختتمت:” أحنا متعلقين بأمنا عشان خايفين عليها”.
