متابعة – نغم حسن
خرجت الفنانة المصرية حلا شيحة عن صمتها حول الانتقادات التي طالتها بعد الهجوم الذي شنته على الفنان تامر حسني بعد نشر فيديو كليب من أغنية فلمهما المشترك “مش أنا”.
وقالت حلا عبر حسابها في إنستجرام بأنها تشكر كل من دعمها وشجعها. ونشر الفتوى الخاصة بدار الإفتاء.
وأكدت أن موقفها هو “نفس موقف دار الإفتاء التي تعتبر أن الفن مثل أي مهنة حلالها حلال وحرامها حرام”.
وهي لا تحب أن تكون جزءا من التطرف سواء باسم الدين أو باسم الفن، معتبرة أن نقابة الممثلين إن كانت ترفض كلام دار الإفتاء فهنيئا لها شطبها.
وأضاف حلا: “حبي للفن محدش يقدر ينكره ولا يزايد عليه .. انا ماتكلمتش غير عن نفسي وبقدر كل زمايلي .. الزميل الوحيد اللي ذكرته هو اللي الموضوع اصلا متعلق بيه .. وعتابي ليه لحسن ظني بيه .. والعتاب في الملا عشان الكليب في الملأ”.
وأوضحت: “وبالنسبة للكلام غير اللائق عن الأجر .. كل اللي في المجال شاهدين اني كنت اعتذر عن عدد كبير من الأعمال الفنية وكنت بقبل اجور اقل مما يتناسب معي تعاونا مع صناع العمل .. واصلا ما استلمتش الجزء الأخير من أجري في الفيلم لما أتأخر نزوله جدا و بدأت اتغير وأصلح .. لأن بصراحة الكلام عن ( أجر کبیر ) ضحكني”.
وتابعت: “انا فنانة بطبعي ومن صغري وكل اللي يعرفوني عارفين حبي للفن .. ودايما هعبر عن نفسي بمواهبي الفنية لما أحب لكن الجديد اني مش هاعمل كده على حساب اللي انا مؤمنه بيه بجد جوايا زي ما قولت مؤخرا .. أنا لا أهاجم أحد ولا احارب احد و لا أنا أفضل من أحد ولا انصح احد قبل ما انصح نفسي اولا و كلنا نخطئ مفيش حد معصوم من الخطأ”.
واختتمت: “مفيش اجمل من أننا نعيش و نستمتع بحياتنا و نفرح و نتبسط و نبسط ولادنا و نفرحهم و نفرح معاهم و نربيهم على قيم و اخلاق مبقتش موجودة في ايامنا ني و نربيهم و تتربي معاهم و نغلط و نصلح و حنفضل نغلط و نصلح و لازم نغلط بس جميل اننا نعترف بغلطنا و نصلحه و نتعلم منه و حنفضل نتعلم احد ما نموت و نعيش مع كلام ربنا الجميل و نفرح بمنهجه و نحب الحق و العدل و الخير و الجمال و الابداع الرباني الجميل”.
