متابعة أسماء غنم
قضت محكمة جنايات القاهرة بمصر يوم الثلاثاء الماضي. بمعاقبة متحرش المعادي «جودت» بالسجن المشدد 10 سنوات.
لكن أسرة الطفلة يارا سيد لم تحضر جلسة النطق بالحكم بسبب الضائقة المادية. حيث كانوا يتمنون أن يتم الحكم على «جودت» بعقوبة أقسى.
فيما قالت والدة الطفلة: «ماروحناش الجلسة عشان بعيد عننا والمواصلات فلوسها كتير وعرفنا بالحكم من المحامي أحمد سلامة. ماكنتش مبسوطة عشان كان نفسي ياخد مؤبد».
وتابعت:«لما هديت وفكرت قولت 10 سنين مش قليل، وصعبت عليا بردو مراته وولاده، جابلهم العار وخرب بيته بإيده».
وعن حالة الطفلة النفسية، قال محمد بيومي جد الطفلة «يارا»: «بنحاول ننسيها اللي حصل رغم إنها فاكرة وفاهمة كل حاجة ومابنجيبش سيرة قدامها في الموضوع ده. وهنطالب بتعويض عشان دي طفلة واللي شافته واللي حصلها مش حاجة سهلة. وده أثر عليها نفسيا لحد دلوقتي، يعني بتقعد معايا تتكلم وتحكي يوم الحادثة وأنا بحاول أغير السيرة عشان ماتتعبش لما تحكي في اللي حصل».
