نشر الفنان تامر حسني على حسابه الشخصي بموقع التواصل الاجتماعي “إنستغرام”، صوره تجمعه بالنجم رامي جمال، مرفقة برسالة تحمل كلمات مؤثرة، وذلك بعد إعلان الأخير إصابته بمرض البهاق منذ عام.
وقال تامر حسني: «إلى الفنان الكبير والصديق الحقيقي والمحترم رامي جمال يا حبيبي انت فنان كبير ومحبوب وليك قيمتك وكل الناس بتحبك ومفيش حاجه هتعطلك عن نجاحك».
وأضاف: «تعبك دا لاهو مؤذي ولا مُعدي وكل الناس جواها تعب في منه اللي ظاهر وفي منه اللي مش ظاهر».
وتابع: «حتى لو كان تعب نفسي أو مادي كل شخص جواه وجع من حاجه معينة المهم اننا نبص ونتعلم من اللي ظروفهم اصعب مننا ورغم كدا عندهم صبر وبينجحوا في الاختبار وبيقولوا الحمدلله ومكملين وعندهم إراده وبينجحوا اكتر من الأول».
وطالبه باستكمال مشواره الفني وعدم التفكير في أي مخاوف تتعلق بالمرض قائلًا: «لازم تكمل نجاح يا رامي وشيل أي هلاوس من دماغك واوعى تخبي نفسك اللي بيحبك بيحبك لشخصك وفنك صدقني دي حاجة عادية يا رامي والله ملهاش أي تأثير لا عليك ولا على جمهورك بالعكس بقى انت اكيد شايف الناس كلها طيبين ازاي ونفسهم يفرحوك».
واستطرد قائلًا: «وبعدين افتكر ان مايكل چاكسون جاله نفس اللي جالك وبقى اسطوره مبتتكررش خاااااص وانت فنان وعارف …انا واثق انك مؤمن وبتحمد ربنا وهتقوم وهتكمل وهفكرك قدام كل الناس اللي شايفه كلامي انك هتنجح اكتر واكتر وربنا هيكرمك اجمل كرم وهتشوف قريب».
وكان الفنان رامي جمال قد صدم جمهوره بإعلانه عن إصابته بمرض البهاق ومعاناته اليومية معه، كما كشف في رسالة مؤلمة وجهها لمتابعيه على مواقع التواصل الاجتماعي عن الصعوبات التي يواجهها في محاولات إخفاء علامات المرض، كي لا يحرجه أحد بالسؤال عنها.
https://www.instagram.com/p/B4uMYYKJ22b/
