متابعة : رهف عمار
فقد بيومي فؤاد، والديه «الأب والأم»، وتلقى خبر رحيل كل منهما أثناء تواجده بأحد أعماله الفنية.
حيث تلقى خبر وفاة والده خلال تصوير فيلم «الشنطة»
بالنسبة لوالده الذي رحل مساء أمس، كان بيومي يتواجد في «لوكيشن» تصوير فيلم «الشنطة»، بصحبة مؤلف الفيلم ومنتجه تامر عبدالمنعم، الذي بدوره صرح لموقع الوطن «للأسف جاءنا خبر وفاة والد بيومي فؤاد خلال تصوير الفيلم بالقاهرة».
وتلقى بيومي فؤاد، خبر رحيل والدته خلال سفره إلى محافظة الأسكندرية لعرض مسرحية «أهلًا يابكوات»، وعن كواليس تلقيه هذا الخبر المؤسف، قال «بيومي» في تصريحات تليفزيونية «روحت لأمي بالليل وقولت لها إدعيلي عشان رايح إسكندرية بكرة لعرض مسرحية أهلا يابكوات، وأنا في القطر الصبح كان هيتحرك الساعة 9 صباحًا، وقاعد بضحك مع الفنان محمد ممدوح تايسون، وقبل القطر مايتحر كلمني أخويا الكبير وقالي على الخبر».
شيخ الجامع قالي أمك كانت ست صالحة
واستطرد باكيًا «نزلت من القطر وجريت أخدت تاكسي، روحت دفنتها ومأخدتش العزاء عشان كان تاني يوم ورحت لعرض المسرحية، مش مصدقين إنها ماتت أخويا إدالها حقنة أنسولين وهى ميتة افتكرناها غيبوبة سكر لأنها كان عندها مرض الموت من 12 سنة ومش بيحصلها حاجة، كانت مقبلة على الحياة وعايشة بالقدرة مش بالطب».
وتابع: قعدت 10 أيام في إسكندرية بصلي وأدعيلها، كنت بروح الجامع وعايز أعملها حاجة، جيبت لمبات للجامع العصر، بالليل شيخ الجامع قالي أمك كانت ولية صالحة، لمبات المجلس كانت لا على حامي ولا بارد ضربت كلها عشان لمبات أمك تركب.
وأضاف بيومي فؤاد باكيًا «الشيخ قالي بوفاة أمك أُغلق لك باب من الدعاء والرحمة، حافظ على الباب التاني الموجود واللي هو أبوك».
