قدمت الفنانة المصرية هنا شيحة اعتذاراً إلى الفنان هيثم أحمد زكي، بعد رحيله بشكل مفاجئ إثر هبوط حاد في الدورة الدموية.
وكتبت هنا شيحة عبر خاصية “ستوري”على حسابها الشخصي على موقع التواصل الاجتماعي “إنستغرام” قائلة: “الوقت مش موجود، حقيقي مش موجود، دايما فاكرين إن في وقت، في وقت أشوف أهلي، في وقت أكلم صحابي اللي واحشني، في وقت أرد على المكالمات اللي ما ردتش عليها”.
وتابعت: “بس مفيش وقت، الوقت هو دلوقتي حالا، منستناش نعمل اللي حاسينه ونكلم اللي واحشنا لأنه فجأة ممكن ميبقاش موجود وسطينا ونزعل ونندم إننا قصرنا في حقه ومعملناش اللي كان نفسنا نعمله ومالحقناش”.
وأضافت الفنانة المصرية: “حقك عليا يا هيثم، أنا قصرت في حقك ومكنتش بسأل عليك زي ما المفروض أسأل، زعلانة قوي من نفسي وأنت وحشتني وما شوفتكش وما لحقتش أشوفك، مشيت بسرعة قوي يا هيثم، مش مستوعبة إنك روحت، البقاء لله إنا لله وإنا إليه راجعون”.
وتوفي، الخميس الماضي، الفنان المصري هيثم زكي، ابن الراحلين أحمد زكي وهالة فؤاد، داخل منزله، في كومبوند بيفرلي هيلز، بمدينة الشيخ زايد، إثر هبوط حاد في الدورة الدموية، عن عمر يناهز 35 عامًا.
