أثار الفنان وائل عبد العزيز، شقيق الفنانة ياسمين عبد العزيز، الجدل مجدداً بعد توجيهه رسالة غامضة، دون أن يذكر اسم الشخص المقصود بها.
ونشر وائل تغريدة من خلال حسابه الخاص على موقع التواصل الاجتماعي “تويتر” قال فيها: “مفيش حد في الدنيا دي بيعمل أي حاجة غصب عنه.. اللي بيحبك هيقعد واللي بايعك هيرحل.. إوعى تفرض على حد أي شيء مهما كانت صلته بيك أو مدى قربه”.
وأضاف: “ومتستناش أي حاجة من أي حد غير ربك.. واللي يحاول يخسرك ساعده ولو فكر يبيعك مرة بيعه أنت ألف مرة.. إوعى تبقى على حد أو لأي حد مهما كان في قلبك”.
وتابع: “خليك بس مع اللي يدور على سعادتك ومصلحتك.. اللي بيعمل حسابك قبله.. اللي شايفك من أولوياته.. إوعى تقبل تبقى احتياطي في حياة حد بس عشان بتحبه، لو بقيت احتياطي عمرك ما هتنزل الملعب.. ومتقبلش بنص الكوباية يا تاخدها كلها يا مش عايزها.. دور بس على إسعاد نفسك ولما تسعدها الكل هيدور على سعادتك”.
وختم حديثه بالقول: “عندي سؤال: هو حد هيحب نفسك أكتر من نفسك؟!! لا أكيد.. طيب ما تجرب تحبها قوى!”.
وتساءل المتابعون حول الشخص المقصود بتلك الرسالة، وهل يقصد شقيقته أم شخصاً آخر.
