تعرض الفنان المصري إيهاب توفيق لحملة انتقادات واسعة بسبب إحيائه حفلاً فنياً بالرغم من مرور أقل من أسبوعين على وفاة والده مختنقاً إثر حريق اندلع في الفيلا التي يقطن بها.
ودفاعاً عنه توفيق، نشرت المطربة شذى عبر حسابها على “فيسبوك”، مخاطبةً منتقديه: “أنتوا مالكم بجد.. اللي بيهاجموا إيهاب توفيق إنه نزل اشتغل خير! هتصرفوا أنتوا عليه؟”.
وأضافت: “أولاً والد إيهاب هو اللي اتوفى مش قريبكم أساسًا، والمصيبة مصيبة إيهاب لوحده ووجع إيهاب لوحده، وبعدين اللي عايز ينتقد يروح الأول يتكفل بكل مصاريفه وأساسًا الرسول عليه أفضل الصلاة والسلام، قال بعد ٣ أيام مفروض مفيش عزاء أصلا”.
وتابعت: “للمرة المليون كفاية تدخلات في حياة البني آدمين لمجرد إنهم مشاهير، ويا ريت الشغل يلهي وينسي محدش في العالم يقدر ينسى أمه أو أبوه وإيهاب بقى بالذات كان بار بوالديه وتحت رجليهم”.
واختتمت: “كل واحد يصدر أحكام وكل واحد قاعد متدفي في بيته عامل فيها بطل.. الواحد بيحاول يتأقلم مع واقع مختارهوش وانحدار في الذوق ونسبة كبيرة بقت معتقداتها وأخلاقها وقناعتها وثقافتها أساسًا، مِن الآخر كده.. دعوا الخلق للخالق”.
يذكر أن الفنان إيهاب توفيق كان حديث السوشيال ميديا ووسائل الإعلام بعد وفاة والده بسبب حالة الانهيار والحزن الشديد التي سيطرت عليه خلال أيام العزاء.
