متابعة- بتول ضوا
تعرضت الفنانة داليا البحيري لإصابة بالغة في يدها أثناء العرض المسرحي لمسرحية “سيدتي أنا”.
وكشفت الفنانة تفاصيل الواقعة عبر حسابها الرسمي على إنستغرام حيث نشرت صورة أشعة ليدها وعلقت عليها “حادثة صغيرة على ما قُسم كدة، اختل توازني على المسرح ووقعت وقعة جامدة حبتين.. نزلت بكل حملي على إيدي وحسيت برجة جامدة في دماغي.. وجع رهيب إيدي ورمت قلت بس أنا اتكسرت، كملت العرض الحمد لله وطلعت على الطوارئ هوب إشاعة هوب الحمد لله مفيش كسر بس فيه مزق في وتر الإبهام أدى إلى إن العضمة اتحركت من مكانها، كل ده تمام وألف حمد وألف شكر إنها بتيجي على قد كده”
وتابعت داليا كلامها قائلة “المشكلة بقى يا جماعة في إني اكتشفت إني مش عارفة أعمل أي حاجة بمعنى أي حاجة من غير الصباع ده، لا عارفة ألبس ولا أقلع ولا أفتح إزازة الماية مش عارفة أشيل حاجة مش عارفة أفتح باب العربية ولا أي أكره مش عارفة أسرح شعري ولا أغسل وشي ولاا أي حاجة، وكمان مش عارفة اعمل scroll مش عارفة أعمل like، آه والله ال Like بتوجعني جدا، بس برضو الحمد لله دائما وأبدا، ما يقع إلا الشاطر”.
تفاعل متابعي داليا البحيري مع منشورها وتمنوا لها تجاوز هذه الإصابة بشكل سريع
