متابعة – نغم حسن
روت الفنانة عايدة رياض تجربتها ومعانتها مع مرض السرطان الذي أصيبت به عام 2015.
وقالت رياض في تصريحات تليفزيونية: صعب أشرح أحاسيسي وقتها ولكن اتخضيت وما أعلنتش إلا بعد 3 سنين كنت فاكرة إني هتكل على الله وكنت عايشة في حالة رعب، لكن ربنا بيدي البلاء ويدينا حاجات حلوة مش عارفين قيمتها يدينا سكينة ونسيان أو القناعة وعزة النفس حاجات مش إحنا اللي بنصنعها كل واحد بيدي له حاجات جميلة مش بنقدرها.
وأضافت: ساعة المرض الواحد بيقرب لربنا، وطول الوقت موجود جوايا إن فيه ربنا ولكن لما تدخلي في محن بتتقربي أكتر لربنا والمرض عرفني إن مفيش أي حاجة في الحياة تستاهل، وكنت بحس إن ربنا إداني كتير بعد ما انفصلت اشتغلت وعملت نفسي واللي حواليا اللي محتاج ركزت نفسي وما بقتش محتاجة لأي حد ولما تعبت مبقتش محتاجة لحد.
