متابعة- بتول ضوا
رد إيهاب صالح مدير أعمال الفنانة شيرين عبد الوهاب على حملة التلاسن التي اندلعت بين جمهور الفنانة أنغام والفنانة شيرين وذلك بعد تصريحات الأخيرة على أحقيتها بلقب “صوت مصر”.
حيث غرد صالح عبر حسابه على تويتر قائلاً: هام لكل جمهور شيرين وأنغام، شايف بقالي كذا يوم كلام كتير رايح جاي في قصة الألقاب ومين صوت مصر ومعركة كلامية داخلة في منطقة مش لطيفة خالص».
وأضاف: أنا الحمد لله على علاقة قوية بالنجمتين بقالي أكتر من ١٥ سنة، وكل الوسط يعرف ده كويس جداً، شيرين بتحب أنغام وبتحترمها من زمان وأنغام طبعاً بتبادلها نفس الإحساس.
وتابع: كل الكلام والشائعات العجيبة إن أنغام ورا مشاكل حسابات شيرين على السوشيال ميديا، ده كلام ملوش أي صحة من الأساس وأنا في المطبخ، وعارف كويس جدا إيه سبب المشكلة.
واختتم حديثه قائلاً: من حق جمهور كل نجمة يغير ويحب نجمته، ويدافع عنها بس طبعاً من غير غلط وتجريح عشان إحنا أرقى من كده، خلاصة الكلام شيرين وأنغام دول أصوات_مصر وقيمة كبيرة عندنا وفي الوطن العربي.. استهدوا بالله كده.
