متابعة- بتول ضوا
ما زالت عائلة الفنان محمد قنوع الذي غيبه الموت في ثاني أيام العيد تعيش صدمة رحيله ولا سيما ابنتاه ماسة ومايا.
وحتى الآن ما زالت الفتاتان تنعيان والدهما بكلمات مؤثرة، حيث نشرت مايت قنوع عبر حسابها على فيسبوك صورة تجمعها بوالدها وهي طفلة صغيرة. وعلقت عليها: “وَبَشِّرِ الصَّابِرِين َالَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّا إِلَيْهِ رَاجِعونَ أُولَئِكَ عَلَيْهِمْ صَلَوَاتٌ مِّن رَّبِّهِمْ وَرَحْمَةٌ وَأُولَئِكَ هُمُ الْمُهْتَدُونَ}. صدق الله العظيم…”. وأضافت: “لله ما أخذ.. وله ما أعطى.. وكل شيء عنده بأجل مسمى.. وإن القلب ليحزن والعين لتدمع.. ولا نقول إلا ما يرضي الرب..”.يا بابا يا بابا مابدي اكتب و بحياتي ما توقعت نزل هاد البوست.. الحكي ولاااشي يا حبيبي ولاشي..”.
“مابدي اتقبل ومابدي استوعب..مابدي صدق يا بابا مابدي صدق.. الحمدلله رب العالمين على كل شي.. بس صعب كتير يا بابا والله كتير صعب..أنا مالي منيحة أبدا يا بابا أبدا.. عم نحكي كنا أنا وأنت ايمت بدك تجي ع مشروع تخرجي.. وكيف بدك تفوتني على عرسي.. وكتيير كتير قصص صارت ناقصة يا بابا.. يمكن أنا وأنت حطينا غنية بنت أبويا و رقصنا عليا متل مو متفقين نعمل هيك بعرسي..الله يرحمك يا حبيبي.. الله يرحمك يا سندي و ضهري.. الله يرحمك يا رفيقي..يا بابا يا حنون يا كريم..”.
“يا بابا والله نكسرت كتيير …رح ضل كل يوم أستناك بالليل حتى تبعتلي نايمة وئلك لا وأفتحلك الباب ونحط مسلسل أنا وأنت.. رح ضل كل ما أطلع برا البيت أستناك تجي تاخدني عالبيت ونتخانق عالطريق عالأغاني”.
“كل سنة بيوم ميلادي رح أستناك تقلي يا فرحتي الأولى مايا….وقصص كتيير كتير….يا أحن أب بالعالم..لا حول ولا قوة إلا بالله.. كل الدنية عم تحكي عنك ياحبيبي وأديه أنت منيح.. كلشي حكو بس ماحدا بيعرف يا بابا.. ما حدا بيعرف شي..كل الحكي والكتابة قليلة كتير.. كتير قليلة..كل حياتي معك كانت عز.. حتى جنازتك يا حبيبي عز الدنية كلا يا بابا مارح تعوضني.. والله يا بابا مابعرف كيف بدي عيش والله.. أنا بحبك أكتر وحدة بالدنية يا حبيبي وأنت بتعرف هاد الشي..ورح أستناك.. الله يرحمك يا كلشي بحياتي
وتفاعل الكثير من رواد السوشيال ميديا هذا الرثاء متمنين لها الصبر والسلوان.
