متابعة _ لمى نصر:
ظهر الفنان اللبناني فارس كرم في فيديو مباشر على اليوتيوب، كأول رد له بعد حربه الكبيرة مع الفنانة ميريام فارس.
وتحدث فارس كرم بكل صراحة وشفافية عن الموضوع قائلاً: “انا بعمري كلو لا قللت تهذيب مع حدا ولا ذميت بحدا بس بالنهاية أنا إنسان وفي فعل وفي ردة فعل وميريام فارس طلعتني من تيابي صراحة. بلشت القصة أنو دقولي أنا كنت بأميركا كان عندي عرس، قالولي في حفلة انت وميريام ولطيفة ب6/9 في مشكلة قلتلن بالعكس، وقالولي ميريام مابدا لطيفة وانا بحب لطيفة هيي انسانة محترمة أكلت خبز من وراها واخدت حقي، بس مع هيك قلت انا تصطفل مابدي فوت بمشاكل”.
وتابع كرم متهماً ميريام بالكذب والوقاحة: “بتنزل دعاية عصفحة ميريام زعلت انا لانو صورتي مو زابطة، المهم هيي شالت الصورة.. بس رجعت استفزتني وقالت أنو هيئة الترفيه هيي يلي عملت الصورة، بس قالت هيك وهنن بيعرفوا مين أهم.. استفزتني قلت مابدي رد عليا نفسيتا محمضة خلص يعني سكتي.. انا صريح وواضح اللي بدي قولو بقولو لو عقطع راسي”.
وأردف: “بس انو بتطلع بحفلة بالسعودية بتقلن ياعيب الشوم عليه ماعرف انو انا جبتو عالحفلة، هلا صرتي يا ميريام بدك تجيبيني عحفلات.. وهالشي خلاني اكتب التويت عتويتر لأنو استفزتني”.
كما استنكر فارس كرم أن ميريام فارس تتحدث عن مصر قائلاً: “تخيل حدا يحكي عن مصر، مصر ام العالم وام الفن، مصر ام كلثوم وعبدالوهاب، اذا مصر صغيرة عليا انا رح اطلع صغير عليا اكيد، نحنا منحلم نفوت عمصر، بس ميريام حاطة راسا براسي وعاملة تويت انو بدا تخليني عبرة وتاخدني عالقضاء، انا بدي ياها تروح عالقضاء لتشوف حجما قدامي”.
وعند سؤاله عن ختام هذه المشكلة قال فارس كرم: “متل ما بدا تختمو، بس تعيفني شرا ما تقرب صوبي، وانا ماعندي شي خاف منو”.
