متابعة- بتول ضوا
بعد ردود الأفعال الواسعة التي أثارتها كلمات عروس كفر الدوار خلال عقد قرانها مع زوجها تطالبه فيها باحترام أهلها..كان لنجوم الفن رأي في تلك الواقعة.
حيث نشرت الفنانة ريهام حجاج على حسابها على فيسبوك منشوراً علقت من خلاله على الواقعة، وكتبت خلاله “هو ليه الناس على السوشال ميديا بيستبيحوا سيرة الناس ويسعوا لخراب البيوت؟
عروسة بتتكلم مع جوزها في وجود عيلتها في كتب الكتاب. (سواء الأسلوب عاجبك أو مش عاجبك) أنت ليه أصلاً تقول رأيك السلبي اللي ممكن يخرب بيتهم وتنشره على أنها بتهزئه وتحول فرحتهم لكابوس”.
وأضافت: “ممكن يكون في احتمال نص في المية إن مش قصدها أو دي طريقتها في الكلام. وأكيد هو عارف وبيتجوزها وحاببها زي ما هي؟!
تعرف ظروفهم منين؟ مواقفهم؟ عدوا بإيه سوا في الخطوبة!! إيه إللي خلاها تقول كدا أصلا!! دخليات الناس ماحدش يعرفها بتشيلوا ذنوب والله دا إللي ربنا قال عليه في القرآن الكريم من يفرق بين المرء وزوجه”.
وتابعت ريهام حجاج: “اتقوا الله افهموا الفرق بين حرية الرأي والأذية افهموا الفرق بين اللي ممكن نتكلم فيه واللي مالوش لازمة التدخل فيه من الأساس ستحاسبوا أمام الله على كل دا”.
