متابعة – نور نجيم :
نشر الإعلامي عمرو الليثي في صفحته في “فيسبوك” فيديو قديم لحلقة استضاف فيها الفنانة سماح أنور وكشفت في سياقها عن علاقتها بالفنان الراحل سمير صبري.
وقالت سماح في الحلقة: “اتجوزت مرة واحدة أبو أدهم عاطف فوزي، والله مكانتش قصة حب ولكن في الوقت ده كان فيه حب وتوفي عاطف فوزي وأدهم عمره سنتين كنا في 1997 وأدهم داخل على 20 سنة وبعد وفاة زوجي مفكرتش أتجوز تاني ووجود أدهم في حياتي ممنعنيش من الجواز وشايفة إنه أنسب أني أكون أم لابني وخلاص، وأنا حابة أعيش لحد وأقوم الصبح علشانه، لكن لو علشاني مش هقوم من على السرير”.
وعن ارتباطها بفنان كبير، قالت أنور: “للأسف المعلومة مش صحيحة وسر الشائعة أني اشتغلت معاه كذا حاجة آخرها المسرحية واشتغلت معاه فيلم تلفزيوني وبعد كده توالت الأعمال ولكن مكانش فيه أي مشاعر، وكان هو أكتر واحد عارف إيه اللي بيحصل في حياتي ويمكن هو كان سري”.
وعن ارتباطها بالفنان سمير صبري، قالت سماح أنور: “كنت أتمنى أتجوزه ومكانش مناسب إننا نتجوز سناً وأيا كان إيه السبب عمرنا ما اتكلمنا عن الحاجات دي وعمرنا ما قلنا لبعض كلام حب، الناس فاكرة إن فيه علاقة بجد بس مفيش علاقة بجد ولا حاجة فيه صداقة بجد بس مفيش كلام في الموضوع ده”.
وشهدت مواقع التواصل الاجتماعي خلال الأيام الماضية، جدلا واسعا بشأن ميراث سمير صبري، حيث خرج عدد من الأشخاص الذين يدّعون أنهم أقاربه ويستحقون الميراث، كما انتشرت فيديوهات لسمير صبري يتحدث فيها عن نجله الوحيد حسن. ما دفع الليثي لإعادة مشاركة الفيديو.
