متابعة- لجين إسماعيل:
أثناء استضافتها مع الإعلامية لميس الحديدي. فاجأ أحمد منصور، زوجته الفنانة رحمة أحمد. بمكالمة هاتفية لترد عليه الفنانة رحمة أحمد بوصلة غزل. قائلة له على طريقة مربوحة: “يا كلوب العتمة”.
وقال: “لما جالها الدور مع أحمد مكي كنا في فترة مهمة في حياتنا. عشا الطفل المولود واحتمالية السفر وقتها. وبالتالي عندما عرض عليها الدور في مسلسل الكبير أوي كان تحدياً كبير لينا. خاصة أنها كانت شايلة مسؤولية كبيرة في المنزل وبالأخص الطفل، وشالت اللي محدش يقدر يشيله”.
وأضاف: “كنت داعم ليها جداً لما جالها الدور. وقلتلها خدي الدور لأن الفرصة دي لن تكرر في حياة أي حد خالص. والفرصة بتيجي مرة واحدة في العمر. ولم نفكر وقتها في إيجابيات أو سلبيات لأن مسلسل الكبير لا يرفض».
وعن لحظة إخبارها له بالعرض، قال:” لما وصلت البيت بدأنا الخناقة عشان قاعد بالطفل. وقالتلي أستاذ أحمد مكي زارني في المسرح وتقريباً فيه ترشيح لدور. ووقتها نسيت الخناق وكل شيء وقعدنا نفكر وقتها. وقررنا إلغاء السفر وقولتلها ركزي في شغلك. وأنا هعرف أظبط نفسي وسافرت أنا. وقررت أنها تعيش في مصر وأمي وأمها يرعون الولد “.
وردًا على سؤال هل رحمة أحمد في البيت زي مربوحة؟ قال:” رحمة بتحاول في البيت تعمل أي حاجة حتى لو مش عارفاها. بتفضل تحاول لحد ما تعملها ولما أتجوزتها. ماكنتش إمكانيتها في الطبح بنسبة 100 % لكنها أصرت واتعلمت “.
واستطرد:” حياتنا كوميدية وأشهر موقف كوميدي عشناه. يوم ما تقدمتلها كان فيه بعض العقبات وعيطت ومكنش هيتم الجواز. وإحنا قاعدين اختلفنا في بعض الحاجات تفاجأنا أنها سابتنا ودخلت جوه. وكلهم استنتجوا أنها دخلت تعيط وفوجئت أنها بعتتلي على الواتس أني أتعامل في الموضوع. وأنها هتعمل نفسها بتعيط “.
