متابعة- بتول ضوا
في منشور مطول عبر صفحته الرسمية عبر فيسبوك. كشف مؤدي المهرجانات حمو بيكا عن استيائه الشديد من التنمر الكبير من بعض المتابعين عليه
حيث كتب «يا جماعة، ياريت نفهم إن أنا موجوع وتعبان، كفاية تنمر عليا، اتنمر عليا مرة واتنين وتلاتة، ولسه فيه ناس بتتنمر عليا.. بتتنمروا عليا لحساب مين؟!.. أنا بني آدم زي زيكم والله».
ووجه في منشوره رسالة لنقيب المهن الموسيقية الفنان هاني شاكر قائلاً «حضرتك كنت في ندوة واتنمرت عليا. وانت أخويا الكبير، وأنا مسامح والله بس كفاية بالله عليك. أنا آه مش بعرف أقرأ وأكتب، بس ربنا خلق لي قلب أحس بيه. كفاية تجرحوني، مش كل واحد يبقى عنده سلطة يتحكم في البشر».
وتابع «أنا من 5 سنين بعاني وبعافر، بس هما شايفين إن إحنا مبسوطين وفرحانين. لا انتوا اللي مبسوطين وانتوا اللي معاكم. ومعاكم كتيييير، وعندكم كتيييير، بس عمرنا ما بصينا لكم.. هو ليه لما يكون معايا حاجه حد يبصلي فيها وعايز يأخدها ؟!.. ده غير مرضي اللي بدفعله في الشهر كتير أوي ..حسوا بيا».
وختم منشوره«لو غلطت في حاجه تعالى وحاسبني وعلمني الصح من الغلط.. فاتح بيت وعندي أسرة وعندي مسؤوليات كتير محدش يعلم بيها إلا ربنا. أرجوكم كفاية ياريت تحكموا بينا بالعدل زي ما ربنا سبحانه وتعالى بيقول (وَإِذَا حَكَمْتُم بَيْنَ النَّاسِ أَن تَحْكُمُوا بِالْعَدْلِ).
وكفاية تنمر عليا وافتكروا كلام ربنا (يَا أَيُّهَا الَّذِينَ آمَنُوا لَا يَسْخَرْ قَوْمٌ مِنْ قَوْمٍ عَسَى أَنْ يَكُونُوا خَيْرًا مِنْهُمْ).. وفي النهاية شكراً لكل حد بيدعمني وبيحبني».
https://www.facebook.com/1157490624271079/posts/5311345658885534/
