متابعة – نغم حسن
تحدثت الفنانة نور الكاديكي التي تشارك في مسلسل “يوتيرن” عن أزمتها مع الفنانة ريهام حجاج، بطلة العمل.
وبحسب “مجلة لها”، قالت نور في تصريحات صحافية: “ريهام حجاج دي شخصية غدارة أنا عايزة أجيب لها دكتور نفساني من أمريكا، ومكنش فيه حد عايز يشتغل معاها حتى محمد كيلاني جه وحضر البروفات ومستحملش ومشي”.
وأضافت الكاديكي: “ريهام عندها مكتب في الشيخ زايد مخصوص بتروح لها كل يوم ماتريال المسلسل وهي اللي بتتحكم في كل حاجة، وأنا المفروض أظهر من الحلقة 2 لـ الحلقة الـ 19 لكنها شالت جزء كبير من دوري، وحذفت اسمي من تتر البداية، مش عارفة هي بتعمل كده ليه.
واستكملت حديثها: إحنا ياحبيبتي مش جايين نعرض مفاتنا إحنا جايين نعرض شغلنا، وفيه نجوم كتير جدا رفضوا العمل معها، واتدخلت في شغل كل الناس ومفيش حد يظهر في المسلسل غيرها، وناس كتير حصل معاهم زيي في المسلسل بس خافوا يتكلموا، لكن أنا مبخافش وعندين محامين ومش هسكت، واتهمتني إني مش نقابية لكن أشرف زكي كان محايد”.
وأوضحت نور: هي مضايقة أوي إن سامح عبد العزيز مش بيخرج مشاهدها ومش بيقعد في اللوكشين، سامح عبد العزيز مخرج كبير جداً وتحت إيده 14 مخرج، ريهام اتدخلت في شغل كل الناس دي مش نجمة”.
