مروة أحمد علي – الإمارات نيوز 

شاركت النجمة اللبنانية نادين الراسي، جمهورها عبر حسابها الشخصي على موقع “إنستغرام”، بعض التحديات والمخاطر التي واجهتها في حياتها الشخصية، وأطلقت عليها اسم “خواطر نادين الراسي”.
 
وكتبت نادين: “تِعبِت إيّامي وسنيني، يا رَبّي لوَين موَدّيني ما بَدّي اضعَف قوّيني ارحَمني من نهاية حزيني احمي قَلبي من أنيني، ارحمني تعبت من الوجع أنا اللي فيني مكَفّيني، سامحني خُلِص الدّمع عيوني من حقوقي حَرَموني، بكّير الرّصيد انقطع من يوم اللي خلقت، انجبلت بالحنّيّة وما خلّيْت، إذا موجوع لاقيت إِلَّا وعإيدو شدّيت، بِعيونو الدّني حَلّيت وحملت معو الوجع”.
 
وأضافت: “هيك كبرت وتربّيت وبوجّ الدّني انحطّيت إرتكي من حيط لحيط، تبيَوم قَلبي انشلع سقطوا عليّي حجار البيت، والضّنا عن قَلبي انتزع حتّى اشتكي، ما استرجيت وحمِّلُن همّ شو النَّفع بإيدي حالي ضمّيت ووعد عليّي حطّيت ولقلبي الرُّوح ردّيت يوم اللي الحقّ انتصر”.
                                                     
وتابعت: “بعدا كمَّلت المشوار و ْتَمت بقلبي الأسرار ما سمحت لحالي تنهار ومشيت الدَّرب بحذَرما سلِمْت من سكاكين كتار من غَدر و ظُلْم الْبَشَر وبحرقة حمِلت الأضرار عن اللي خاطري كَسَر همّي إحمي ولادي الصّغار من شرّ الدّنيي اللي انتشر و تغلغل بقلوب كتار عَمَصْلَحتهم و أنانيِّتهم فقَدو البصر وَحدي ولَحالي تحَمّلت ومن التّجارب تعلَّمت بِعَزم وصدق كمّلت لا إنكسرت ولا استسلمت”.
 
وأردفت: “قْسيتْ وقَسِّتني الدّني بطَّلت إسأل شو بِني حالي متل حال كتار انوجَدوا بمسرح هالدّني قَدَرُن يأدّوا أدوار ولمّا السّتارة تنحني سنينُن رح تنحفِر عحجار أن كان فقير أو غَني عقَبرُن رح يِبكوا كتار يِتِّهموا الموت الغدَار ومن بعدا بِكم نهار بيحتفلوا برقص وأشعار بيتناسوا إنُّن بشر بيخافوا عتم القبر بيتباهوا مين الجبّار و ظُلمُن عنوانوا النّصر ولو كان عحساب كتار آخر همُّن شو انكَسَر وكِلّ ما بتشرق شمس نهار بتخصُم يوم من السِّنة وبلحظة قضاء وقدر بتدقّ ساعة الصّفر”.
 
واختتمت: “ما بعمري الوقت تناسَيت حتّى الأنا الفيِّي تحدّيت ولغيت كلمة يا ريت و واجهت الظلم بصبِر ما بِنكُر مرّات اهتزَيت وياما ركعت وصَلَّيْت وبأقسى المواقف انحطّيت ومنّا أخَدت العِبَر عن كِلّ الألم تعلّيت قَلبي يِحقُد ما خلّيْت بالكِتُب السّماويّة إحتميت تالحُب بقلبي انتصر بضلوعي إحمي حجار البيت أطلُب من ربّي العُمر تكَبِّر الكِرمالُن ضحّيت ومن بعدي يكَمّلوا بفخِر إنِّي الإم الما انزلّيت وواجهت بإيمان وصبر يتبع خواطر نادين الراسي خواطر عن  بعض  المخاطر”.

وخاضت نادين الراسي في السباق الرمضاني لعام 2017 بمسلسل “ورد جوري” وشارك في بطولته رولا حمادة، وإدوارد الهاشم، ونجلاء الهاشم، وكارلا بطرس، وجابرييل يمين، وهو من تأليف كلوديا مرشليان، وإخراج سمير حبشي.