متابعة _ لمى نصر:

تحدث الفنان حمادة هلال في برنامج “حبر سري” المذاع عبر فضائية “القاهرة والناس”. عن زملائه في الوسط الفني والغنائي. وأثنى على بهاء سلطان وشيرين وغيرهما من المطربين. كما تكلم عن زوجته ووضعها الصحي.

وقال هلال: “معنديش منافس والله وبتكلم بالأمانة لأن مفيش حد مش بتكلم. مش شكرانية في نفسي. لأن فيه كذا حد يخاف يعمل حاجة جديدة وده مش غرور. بكلمك بالأمانة مبعرفش أنافس حد ومنافستي الوحيدة مع حمادة هلال. لأن لو عقلي ركز في منافسة فلان وعلان عمري في حياتي ما هركز في نفسي”. مؤكداً أن أغنية محمد نبينا حققت نجاح في العالم كله، واترجمت في العالم.

وفي حديثه عن زوجته قال: “مراتي ربنا يحفظها ويبارك لها. لأنها تستاهل وصبرت وربنا يحفظها. لأنها الفترة دي بتمر بتعب ربنا يحفظها ويبارك في عمرها. مضيفاً: “الحمد لله الفترة اللي فاتت شوية تعب وعملية. وإن شاء الله الناس يدعوا لها تقوم بألف سلامة. هي عملت حادثة وحصلت لها قصص كتير قوي. وربنا يحفظها يا رب”.

وكشف هلال عن بعض الأسرار حيث قال: “كان المفروض أعمل حملة لإعلانات شركة كبيرة عالمية. والتعاقد ده متمش بسبب نجاح أغنية محمد نبينا. وده لا فرق معايا والأغنية أهم لي بكتير”