متابعة – نغم حسن
تحدثت الفنانة سهير البابلي حول المعجزة التي تسببت باعتزالها الفن وارتدائها الحجاب.
وبحسب “الوطن”، روت سهير بأنه أثناء آخر عمرة لها قبل أن تقرر ارتداء الحجاب بشكل دائم، وبعد انتهائها من أداء صلاة المغرب، سجدت ودعت الله عز وجل، “كان فيه حاجات جوايا تعباني من المسرح جامدة جداً، المناخ والروايات والأسلوب والدخلاء.. حاجات كتيرة أوي زادت شوية”.
وتابعت: “قولت وأنا ساجدة.. يارب كرهني في المسرح واجعله شيطان بالنسبة لي بس هو ميكرهنيش ولا يلفظني، وكنت متأكدة إني مكنتش أنا اللي بقول، دة أتحط في بوقي هذا الكلام، فيه هاتف قالي الكلام دة”.
وأضافت: “لأول مرة أبكي كدة وأنا ساجدة، ومحستش المدة كانت أد إيه.. 5 دقايق أو حتى نص ساعة، وقومت وقولت الحمد لله رب العالمين، ومشيت”.
وأوضحت أنه بعد 6 أشهر من أداء هذه العمرة قررت ترك المسرح وكأنها معجزة تحققت، “قولت في أحاديث قبل كده إني نفسي أموت على خشبة المسرح، بس الحمد لله الذي عافاني ومموتش على خشبة المسرحن وكان هيبقى مقلب كبير أوي”.
وأشارت إلى أنها قررت الاعتزال من وقتها رافضة الظهور في أي برنامج تلفزيوني، وتوجهت إلى السعودية ومُنحت إقامة، وقررت التفرغ فقط للعبادة لمدة عامين كاملين، ما تسبب لها في حالة من السعادة.
وتابعت: “اتفردت بنفسي قليلا واتفردت بذاتي، شوفت أنا عاوزة إيه، والواحد مش بيحب يمشي على خط واحد طول عمره ولازم يغير، أنا اخترت لنفسي طريق بعد ما درسته، أنا كل حاجة في حياتي بدرسها”.
