متابعة – نغم حسن
عبر مؤدي المهرجانات حسن شاكوش، عن حزنه على والدته بسبب حزنها عليه بعد قرار إيقافه من قبل نقابة المهن الموسيقية.
وقال شاكوش بحسب “الوطن”: أمي مريضة بالسرطان وحزينة بسبب إيقاف.
وأضاف شاكوش خلال لقاء مع مؤدي المهرجانات حمو بيكا، ببرنامج “كلام الناس”: “أنا زعلان عشانها هي، عشان أي حاجة بتحصل بتتضايق، وهي أصلا مريضة، ومينفعش أتكلم في الكلام ده”.
وتابع: “والدتي مصابة بالسرطان ومكنتش عايز أقول علشان محدش يفتكر إني بتاجر بمرضها، وحزينة عليا من بعد أزمتي الأخيرة ومنعي من الغناء”.
وحول سبب عدم تصالح حمو بيكا وعمر كمال، حتى الآن
قال شاكوش: “ضغط الشغل وسفرنا بره كتير، ومكنش فيه وقت نتجمع، ولما سافر معانا السعودية كانوا بيتكلموا عادي”.
من جانبه علق مؤدي المهرجانات حمو بيك، عن سبب عدم تصالحه مع عمر كمال، قائلا: “لما نزلت بوست عن عمر كمال، شاكوش قالي امسحه، وسمعت كلامه ومسحته، بس مش بكلمه، هو مفيش حاجة ما بينا، بحب الخير للكل”.
