متابعة – لجين اسماعيل :
تحدثت أصالة للمرة الأولى عن زواجها المفاجئ من فائق حسن.
ولفتت إلى علاقة صداقة كانت تجمعها بفائق حسن.
وقالت “نحن أصدقاء من مدة طويلة أكثر من 15 سنة. ونحن أصدقاء لحدود الفن، يعني منحكي دائماً بشغلنا. تفاصيل شغلنا.
وتابعت “وصارت التحويلة بيوم واحد يعني مش عارفة مين. يمكن هو سبق يمكن أنا سبقت. حتى هو ما بيتذكر مين اللي سبق بتحويل هالشعور. بس لقينا حالنا كأننا خلقنا لبعض. عموماً حتى نحن شبه بعض، نفس قصة الوجه”.
وقالت “ما فكرنا بأي حسابات، نحن قلنا نحن التنين. الدنيا تتظبط علينا يعني نحن أخدنا القرار وبدون ما نفكر ولا نرتب ولا ننظم ولا نعرف وين بدنا نسكن. بدبي ولا الرياض أو مصر. ما كنا عارفين ولا شي ما رتبنا لأي شي. وقررنا اننا نرتبط وبعدين الدنيا وولادنا يتظبطوا علينا..”.
وأضافت:” تعبت كتير بالمرحلة السابقة، كمان كنت عايشة حياة شيزوفرنيا. كنت متألمة كتير كتير، موجوعة وبتعالج عند أطباء مش طبيب. والألم كان راجع إلي أنا وبنفس الوقت بشتغل كتير. يعني من أول الصدمة العصبية وأنا بشتغل بشكل جنوني، أكتر مرحلة اشتغلت بحياتي كانت هذه”.
ولفتت إلى أن قرار الشفاء الذي اتخذته كان قبل أن ترتبط بفائق حسن. مشيرةً إلى أنها قررت أن تأخذ من الأشياء أحلاها.
وكشفت بأن فائق حسن هو من طلب منها أن تقص شعرها. وأضافت “طلباته أوامر الصراحة”.
