متابعة – لجين اسماعيل :
كشف الفنان عصام كاريكا عن أسباب اختفائه. موضحاً أنه مثل عدد كبير من الناس اختفى خلال فترة كورونا.
وقال كاريكا إن كورونا تسببت في جلوس عدد كبير من الفنانين في المنزل. عدا مطربي المهرجانات. موضحا: “أنا لو عايز أشتغل كنت عملت لي أغنتين مهرجانات. بس أنا مش عايز وأنا والمهرجانات مش أصحاب. واللي بيغنوا مهرجانات ناس جميلة وأصحابنا بس يمكن أنا معجبنيش الشكل ده. وفيه حاجات كتير مبحبهاش في المهرجانات”.
وأكد أنه يؤيد قرار الفنان هاني شاكر ومجلس نقابة المهن الموسقية. في وقف مطربي المهرجانات:” حمو بيكا بيعترف إنه مش مغني فأنا أعمل له لجنة. وفيها أساتذة كبار ويمتحنوه وهو دخل مرتين وسقط. ولو القرار في إيدي هوقف حمو بيكا عن الغناء. وهوقف أي حد مبيعرفش يغني، وأي حد مبيعرفش يغني ميغنيش” .
وعلق كاريكا على حجة قطع رزق حمو بيكا عند منعه من المهرجانات، قائلًأ:” وهو رزقه مش مقطوع وهو من يوتيوب بينزل حاجات دمها خفيف. ولما بيغني وبيغلط في الكلام وبتحقق له ربح جميل يعني”.
