متابعة- غرام محمد
أحالت نيابة حوادث حلوان القضية رقم 12829 لسنة 2021. المتهم فيها الطفل نجم ذا فويس كيدز. إلى محكمة جنايات الطفل. لاتهامه بالشروع في قتل الطفل حسن شريف محسن بمفتاح. الذي استقر داخل رأسه بمنطقة حلوان.
وتحدد جلسة 25 يناير لنظر أولى جلسات محاكمات المتهم أمام محكمة جنايات الطفل بالأميرية.
تعدى نجم ذا فويس كيدز على الطفل حسن شريف محسن بمفتاح الذي استقر داخل رأسه. وانكر المتهم أمام رجال التحقيق اتهامات التعدي. وإصابة المجني عليه بالمفتاح في رأسه. وأنه كان يدافع نفسه على حد قوله. وأن هذه المفاتيح كانت تخص بيته.
وأضاف المتهم :”اللي حصل انه يوم الاثنين ٧ يونيو ٢٠٢١ كان آخر يوم في امتحاناتي. وكنت ماشي. وقابلت واحد صاحب جراج جمبي اسمه جمال فهو قبل كده كان قلي السطح عالي هو كان بيهزر. وانا معرفش معنى الكلمه دي ايه. ويوم الواقعة هو كان واقف في الشارع قدام الجراج. وانا كنت واقف قدام وطالع البيت.
ومعايا المفاتيح بتاعتي في أيدي فأنا لما شوفته قولتله نفس الجملة اللي هو قالهالي السطح عالي. وكان في نفس الوقت المدعو حسن شريف واقف قدام العماره عندهم عشان احنا الاتنين ساكنين جمب بعض. فلقيته بيقولي خد يد تعالى هنا. وانت تقصد مين بالجملة دي. ف قولتله انا بتكلم مع جمال مش بتكلم معاك . مقصدكش فلقيته زقني في صدري فقلت له نزل ايدك يا حسن. وبعدين راح زقني تاني وكان معاه واحد صحبه انا معرفوش لقيته بيحاول يمسكني في الوقت اللي كان حسن بيزقني. وانا لقيت حسن ضربني بالبوكس في وشي في النضاره اللي كنت لابسها في عيني العدسة بتاعتها اتكسرت وانا نظري ضعيف وانا مش بشوف من غير نضار. وبعد كده لقيته جاي يضربي بالروسية بدماغه في وشي فأنا حاولت اصد الضربة بأيدي اللي كان فيها المفاتيح بالصدفه لقيت مفتاح منهم دخل في دماغه. وانا مكنتش اقصد انه يتعور لاني كنت بصد ضربه الروسية بتاعته. وبعدين جيت على القسم وجيت على هنا النهارده. وهو ده اللي حصل”.
وأنكر المتهم تهمه الشروع في قتل المجني عليه حسن شريف محسن. باستخدام أداه مفتاح وإحداث إصابته.
وأضاف محامي المجني عليه. أن التقرير الطبي وقف تفصيلا على خطورة الإصابة التي خلفها المتهم للمجني عليه. وسوف يتم عرض المجني عليه للنيابة مرة أخرى للوقوف على إذا كانت الإصابة خلفت عاهة مستديمة من عدمه.
وأكد أن المتهم معترف بالجريمة تفصيلا من خلال التحقيقات. ولم ينكرها. بل وجاءت شهادة الشهود مؤيدة لأقوال المتهم ولم تنفها.
أضاف أن الاتهام الموجه للطفل المتهم يستوجب عقوبته بموجب القانون المصري للطفل الايداع بوضعه داخل أحد المؤسسات العقابية. لأنه لم يتخط ال ١٥ عاما.
