متابعة _ لمى نصر:

كشفت الفنانة اللبنانية نور. عن شعورها بعد إنجابها لطفلين وكيف تأقلمت مع الأمومة. وسبب إخفاء طفليها عن مواقع التواصل الاجتماعي.

وخلال استضافتها في برنامج “صاحبة السعادة” الذي تقدّمه الفنانة إسعاد يونس على قناة dmc. قالت نور: “أنا اتغيرت كتير من بعد الخلفة والشغل. وكنت بتكسف جداً جداً. بس بدأت أتعود وأكون أجرأ. وأول سنة أمومة كانت صعبة. وكان عندي اكتئاب بسبب المسؤولية والحبسة ومفيش أجازة من المسؤولية. هو مش فيلم نخلّصه ونرتاح. دا طفل مسؤول منك 24 ساعة”.

وتابعت الفنانة: “وبعد كدا اتعلّمت واتمرّنت. ولما خلّفت تاني كنت فاهمة كل حاجة ومكنتش بحب أسيب ابني لحد ولا ماما ولا أي حد. ومرة صعبت عليا نفسي أوي ومكنش فيه حد بيساعدني واتبهدلت كتير”.

وأضافت: “مبحبش أعرض أطفالي على السوشيال ميديا. هو مش عيب بس بحس إنهم صغيرين على الشهرة. وأنا عايزاهم مشهورين عشان حاجة هما عملوها مش عشان أهلهم. وأنا والسوشيال ميديا مش أصحاب أوي. وابني ليو بيحب الشهرة وعشان كدا مش بفتحله السكة دي وبراقب كل حاجة بيعملها”.