متابعة – لجين اسماعيل :

قالت الفنانة “بشرى” أنها لم تصدر أغانٍ منذ فترة قصيرة. بسبب ما أسمته بـ”الزحمة في عالم الميديا والفن الموسيقى”. مما جعلها تائهة ومتحيرة بخصوص اللون الغنائي الأنسب لها.

وأضافت : “كل فين وفين لما بتنزل أغنية بجد مش أغاني مهرجانات وأفراح. زي أغنية تبات ونبات. اللي عملتها مع محمود العسيلي وكانت نامبر 1 في نجوم إف إم وكل الإذاعات. وكانت بره الصندوق”.

وتابعت أن المهرجانات الشعبية. أصبحت أكثر أنواع الأغاني شيوعا وانتشارا. وعلقت عليها: “أنا مش ضد المهرجانات وبحب أرقص عليها. وطالما ناجح عند الناس يجب الاعتراف بها”. ” أي نغمة حلوة بتبسط وبتخلي الواحد فرحان، وفي الفرح بتفرح ببقى معاها”.

وعن إمكانية غنائها للمهرجانات الشعبية، قالت: “أنا غنيت حاجة أقرب للراب. وممكن أغني أي نوع من الأغاني. ولما بيتطلب مننا فوازير وعمل استعراضي بنعمل أعمال استعراضية مختلفة. لكن مش ده اللون اللي اتشهر بيه، لأن في زحمة وناس كتير وبتعمله. فليه أروح أضرب كتف وأدخل”.