متابعة – لجين اسماعيل:
بعد أن أصدرت نقابة المهن الموسيقية قراراً بتقنين وضع مطربي المهرجانات. ووقف 19 منهم عن الغناء. وإقامة الحفلات في مصر حتى اجتياز الاختبارات القادمة للنقابة. الفنانة سمية الخشاب تعلق على هذا القرار.
وقالت : “تقييمات الفنان الرائع هاني شاكر نقيب الموسيقيين دايما عايزه الرقي والكلمة الحلوة. وأنا معاه مش ضد دا خالص. لأن بدل ما الناس بتحبنا وتتأثر بينا. وإحنا قدوة ليهم، نقول كلمة دمها خفيف ولذيذة .
وتابعت:” وطالما أن المهرجانات الموسيقى بتاعتها راقصة والانرجي بتاعتها عالية. وبيحبوها، اختار كلمة حلوة، وأبقى ذكي وضربت عصفورين بحجر. معلمش الولاد أنهم يقولوا كلام مبتذل. أو أربط فكرة المهرجانات الشعبية بالكلام الوحش، ليه؟ الناس طول عمرها بتحب الأغاني الشعبية. والمهرجانات نوع من الأغاني الشعبية».
وأردفت متحدثة: “أنا بحب حمو بيكا جدا وجه اتصور معايا. وقت ما كنت بصور الأغنية مع عمر كمال وقاله دي بنت بلدي. حمو بيكا طيب وعنده حضور وعفوي. ولو مثل هينجح جدا، بعفويته ودمه الخفيف. .
وعن انفصال أحمد الفيشاوي عن ندى الكامل. أوضحت :
” ندى الكامل طيوبة ولذيذة وأنا كنت خايفة عليها. قولتلها شوية نصايح ومبسوطة أنها سمعت النصايح. ولما انفصلت انفصلت بطريقة راقية. في احترام متبادل وفي انفصال بشكل كويس وخدت حقوقها”.
