متابعة – نغم حسن
أوضح الفنان المصري أحمد السقا عن أهم الأشياء التي يحرص عليها، موضحاً أنها “تربية أبنائه بشكل جيد”.
وتابع السقا خلال حواره في برنامج “ABtalks”، “الحمد لله مها مراتي قايمة بالموضوع ده بشكل جيد. وربنا يقدرني وأربي ولادي بشكل كويس، ويطلعوا صالحين، في أي مجال يحبوا يشتغلوا فيه”.
وأضاف بحسب ما نقله موقع “الوطن”: “لو فيه علاقة زوجية أو بيت مفهوش اكتئاب، يبقى فيه حاجة غلط. بس فيه خط رفيع زي خط العنكبوت اللي هو الاحترام. لو لسه موجود يبقى فيه حب وفيه ارتباط. والأطراف مينفعش تبعد عن بعضها”.
وأكد على أن: “أهم شيء ولادي يبقوا طيبين مع الناس ويجبروا بخاطر الناس”.
وأوضح أنه من الممكن أن يفني حياته من أجل فداء زوجته وأبنائه، ولا يخشى أي شيء في هذه الدنيا”.
وعن أفضل لحظة يمر بها، قال السقا أنها: “لما الناس بتقولي برافو على عمل ولا حاجة. وكمان لحظة نط الخيل، الثواني اللي بيكون فيها الخيل في الهواء”.
وعن وصفه بالـ”الجدع”، أوضح أحمد السقا، إن “ده حاجة فخر وشرف ليا، بس الجدعان اللي في حياتي كتير. الجدع اللي يفضل معاك لحد حافة الجبل. وأنا ممكن أموت عشان اللي بحبه، ومش بعرف أكره حد. ممكن أتجنب شخص ما، لكن أكرهه لا”.
وأضافت بأن كلمة” لا” ليست في قاموسه، “بس ممكن أقولها لو لقيت شخص بيعاملني بقلة ضمير. ممكن أغضب، وربنا يكفيك شر أحمد التاني، اللي هو وشي التاني. بحاول أني عمري ما أوصله، ربنا ما يحكم ويخليني أوصله. شخصيتي التانية مش بحبها، أي واحد بيكره الجوانب السلبية اللي فيه”.
