متابعة – نغم حسن
تحدثت الفنانة المصرية الشابة منة عرفة عن العديد من الجوانب المتعلقة بحياتها الشخصية والفنية، وأوضحت العديد من النقاط المهمة.
وقالت عرفة في حوار مع الإعلامي نزار الفارس: “أنا واحدة أول مرة أتجوز ويبقا عندي راجل أبقى مسئولة منه. محمود عشان اتجوز قبل كدا فعنده الخبرة دي، بيعرف يتعامل مع الست إزاي”. وذلك بعد أن طرح الفارس سؤالاً عليها جاء فيه: “ليه تجوزي راجل متجوز مرتين وعنده أولاد؟”.
وتابعت: “الحلو فيا أنا وجوزي، أن فيه بينا حاجات بتكمل بعض، يعني أنا عصبية جداً وهو هادي جدا. أنا عنيدة ولكن هو أعند مني، بس مع الجواز و الارتباط. عرفت أن العند ده ملهوش لازمة ولميت نفسي عشان أحافظ على العلاقة”.
وعن رفض زوجها الظهور الإعلامي، قالت منة عرفة: “مش هو اللي رافض بس، أنا كان عندي رفض تام. وواخدين قرار أننا منعملش أي لقاءات صحفية أو تلفزيونية تاني. لأن لقينا حياتنا أهم من كل الكلام اللي هيحصل. أحنا اللي عملنا كده للأسف ولازم نتعلم من خطأنا، مفيش حد يتشهر أكتر لأن كل واحد فينا ناجح في مجاله”.
وواصلت: “فيه ناس كتير فرحت من خبر طلاقي، فيه ناس كانوا عاملين رهان أننا هنطلق. وهو ده بقى السبب الرئيسي لغرضي وغرض محمود أننا منطلعش تاني. أول لما يلقوك وقعت بيعملوا فرح عليك، شوفنا كمية سواد وتنمر وحقد وشماتة في موضوع الطلاق رهيبة”.
