متابعة: نازك عيسى
حصلت مشادة كلامية قاسية على الهواء، بين الفنانة شريفة ماهر ونجلها شريف شوقي. خلال حلولها ضيفة ببرنامج “90 دقيقة”. على خلفية اتهامها له باستغلال مرضها والنصب عليها والاعتداء عليها.
وذلك على بعد الاتهامات التي وجهتها له باستغلال مرضها والنصب عليها والاستيلاء على أملاكها واعتدائه عليها بالسب والضرب.
وقالت شريفة ماهر لابنها بمجرد سماع صوته: “الله لا يكسبك يا بعيد واوعى تكدب.. وأنا معايا الأوراق يا شريف مش بالكلام. أنا اقسم بالله أنا ما مضيتله على حاجة وأنا عاملاله محاضر من 2009”.
وأضافت: “في واحد يسلط البواب على أمه يقوله متجبلهاش حاجة وبواب عمارتي يقول عندها زهايمر ودي عمارة الأستاذ شريف. حسبي الله ونعم الوكيل فيك ينتقم منك ربنا”.
ودافع شريف شوقي عن نفسه قائلا: “أنا عارف الجنة تحت أقدام الأمهات وبتقي ربنا في أمي كويس جدا وأنا مش ممكن في حياتي اشتم أمي أو أمد إيدي عليها أنا إيدي تتقطع قبل ما امدها عليها”.
وتابع: “أنا مشتري الشقق دي من سنة 2007 والمرافق كلها بإسمي وعامل عليها صحة توقيع والمهندس اللي باني العمارة ماضي شاهد على العقود دي، هي بنفسها بتقول إنها بايعة لبنتها من 2011 وإزاي هغير عقد البيع اللي هي بايعاه”.
ولفت الى أنه كان يعطي ما يتحصل عليه من العمارة محل النزاع لوالدته لكي تعيش من عائدها وأن شقيقته ناهد، التي هاجمتها أيضا الفنانة شريفة ماهر، “أعطتها مبلغ يتجاوز المليون جنيه ومبلغ 100 ألف جنيه كسمسرة في الفيلا التي قامت ببيعها”.
لتردّ النجمة المصرية وهي منفعلة وغاضبة: “كداب اطلع يا كداب. انت بتصلي انت ده ربنا هينتقم منك.. اعدم عنيا والقرآن بتاع ربنا ما حصل اللي انت بتقوله ده خالص. ده كداب وضلالي.. ربنا ينتقم منك يا بعيد وربنا يوريني فيك يوم يا شريف يا ابن بطني .. انت الظالم وانت الحرامي”.
