متابعة – نغم حسن
كشفت الفنانة شيرين عبد الوهاب عن الكثير من الأسرار الصادمة المتعلقة بانفصالها عن حسام حبيب.
وقالت شيرين في اتصال أجرته معها الاعلامية نضال الأحمدية، أنها لا زالت تحب حسام رغم ما تعرضت له على يديه.
وبحسب “الوطن”، أوضحت شيرين، “بحبه يانضال بس أنا بحب سرطان، بحب الوجع بس حبه ليا وجع. حب حسام ليا بقي وجع بقي ضعف وخوف وأنا عمري ماكنت بحب أبقى ضعيفة وعمري مكنت بحب أبقي خايفه”.
وتابعت: “أقولك حاجة ارتباطي بأي راجل بقي الحاجتين دول الضعف والخوف. وأنا بحب علشان بنت أصول الراجل عندى يتشال فوق الدماغ. الست عندنا فى مصر اتعلمت ومتعودة على حاجات غير خالص رفاهية الست اللبنانية”.
وأضافت: “أنا عندي الارتباط مثلا بوردة أو بدبلة خلاص أنا كده اتجوزت، ومؤخر صداقي 25 قرشا. مين ممكن ترضي بكده إلا المصرية، دلوقتي بقي حتى المصرية بتاخد بالها من نفسها وبتتجوز الغني مش سايبنها فى حالها بردو”.
وانفصلت الفنانة شيرين عبد الوهاب رسمياً عن زوجها الفنان حسام حبيب. وكشفت عن هذا الأمر من خلال بيان رسمي عبر صفحتها الخاصة على فيسبوك.
