متابعة – لجين اسماعيل :

في صورة نشرها عبر “الانستغرام”. كشف مؤدي المهرجانات “حمو بيكا” عن معاناته قبل دخوله المجال الفني. والمهن التي عمل بها.

حيث نشر صورة له من حفله الأخير في موسم الرياض بجوار صورة أخرى. قبل دخوله الفن، وأثناء عمله كنجار مسلح.

وكتب حمو بيكا: “ما بين الصورة دي ودي فرق 14 سنة، بحمد ربنا على اللي  وصلتله.. طول عمري شقيان موصلتش لأي حاجة بالساهل.. اشتغلت جزار – نجار مسلح  – سواق توك توك، دول أشهر حاجة اللي كل الناس تعرفها” .

وتابع: ” أما باقي الشغل أي حاجة تتخيلها اشتغلتها.  شقيان وأنا عندي 12 سنة.. المضمون اسعى يا عبد وأنا أسعى معاك.. الحمد لله نعمة ربنا كبيرة”.

بينما كانت مهنة حسن شاكوش قبل دخوله الفن هي لعبة كرة القدم، حيث كان لاعبا في الإسماعيلي والمصرية للاتصالات. بمركز الدفاع، ولا يستطيع أي لاعب أن يمرر الكر منه،. ذلك لقبوه بلقب «شاكوش» لقوته وقدرته على التصدي للمهاجمين.

اما عمر كمال نشر صورة له وهو يعمل في محطة بنزين. كاشفاً عن مهنته وعلق قائلا “مفيش حاجة بتيجى بالساهل. هتقعد تقول أحط الشهادة فين وبص مين معاه وبص مين جاب إيه هتقف مكانك ومش هتتحرك. الدنيا والأيام بتجرى ولو مالكش قلب تسعى وتجازف وتجرب الدنيا هتفرمك. وهتبقى زى الكتير اللى تايهين فيها. اتعلمت واخدت شهادة؟ أنا كمان اتعلمت واخدت شهادة. طلعت مش لاقى شغل».

وأضاف “أهلك صرفوا دم قلبهم عليك، أنا زيك، بس أنا ماقعدتش اشتكى حالي. نزلت اشتغل بأيدى وقولت حب ما تعمل حتى تعمل ما تحب. اشتغلت كل حاجة، جريت في كل السكك اللى ممكن توصلني للنجاح.”