متابعة: روان ديوب
لقيَ مطرب المهرجانات “عمر كمال”، انتقادات شديدة بعد آدائه أغنية “أنا مش عارفني”، للمطرب الشعبي عبد الباسط حمودة. خلال حلولهما ضيفين على الإعلامي “عمرو أديب” في برنامج الحكاية.
وعلق عمر كمال عبر حسابه الرسمي بموقع التواصل الاجتماعي “فيس بوك”، قائلاً: “أنا فاهم وعارف حتتي كويس أووي اللي بغنى فيها. ومفيش مطرب خلقه ربنا بيغني كل ألوان الغنا بنفس التمكن والشطارة، هتلاقيه مؤدي في حتة ومطرب شاطر في حتة. وربنا خلق أصواتنا ومساحاتها غير بعض خالص، بس كل واحد ليه بصمة ولون وطعم وإحساس غير التاني”.
وأضاف: “أنا مش مطلوب مني أغني لحن مش بتاعي ومش شبهى ومش مساحات صوتي فطبيعي هغنيه على استحياء وكمان لما يكون صاحبه موجود وبيغنيه بقاله 20 سنة يوميا أكيد هيقوله أحسن مني 100 مرة”.
وتابع: “كوني غنيت حاجة مش بتاعتي وآدائي فيها كان مش كويس فده لا يقلل مني وأنا قولتها إرضاءا للطلب. ولما صاحبها غناها معايا أكيد غناها أفضل مني لأنها بتاعته ومساحته وشكله فده أمر طبيعي”. وفقاً لما جاء في موقع الوطن.
يشار إلى أن الثنائي عمر كمال وعبد الباسط حمودة طرحا منذ أيام فيديو كليب أغنية «ضيعنا». عبر موقع الفيديوهات الشهير “يوتيوب”، وحققت نجاحاً كبيراً وحصدت 6 ملايين مشاهدة خلال 10 أيام فقط من طرحها.
