متابعة – نغم حسن
هاجم رجل الأعمال نجيب ساويرس، نقيب المهن الموسيقية الفنان هاني شاكر، وذلك بعد منع النقابة لـ 19 من مطربي المهرجانات من الغناء.
وبحسب ما نقله موقع “الوطن، اتهم ساويرس، هاني شاكر بـ”الغيرة” من مطربي المهرجانات قائلاً: “كل واحد حر يسمع اللي عايز يسمعه واللي مش عاجبه يقفل الراديو ويقفل التلفزيون وميدخلش على اليوتيوب وميسمعش، لكن محدش يعمل ولي علينا، أحنا نسمع إيه ومنسمعش إيه، وأنا بحب الغناء الشعبي وهسمعهم أنا حر”.
وتابع: “أنا حاسس أن الموضوع فيه نفسنة وغيرة، وأحنا أحرار نسمع اللي أحنا عاوزينه”، معتبراً أن هاني شاكر “مش عارف يعمل فلوس زيهم”.
وأضاف: “هو مش عارف يعمل فلوس دي مشكلته هو”.
وأضاف: “فيه قانون في مصر وبقول للي اتمنعوا يروحوا القضاء الإداري لأنه مش قيم على أذواقنا وهو حر”.
وتابع: “أنا حاسس أن الموضوع فيه نفسنة وغيرة، وأحنا أحرار نسمع اللي أحنا عاوزينه”.
وأوضح ساويرس أن دور النقابة هو العلاج والمعاشات، قائلاً: “أنت دورك لما حد يعيى تصرف عليه، لما يطلع معاش تصرف له معاشه، ولما حد يتعب تاخد بالك منه، لكن محدش ادالك سلطة أنك تبقى قيم على أذواقنا في السمع يعني”.
