متابعة – شادي علوش
أكدت نيفين القرناوي، ابنة الفنانة المصرية سهير البابلي، إن والدتها لن تخضع لعملية قلب مفتوح.
وأضافت: كانت أول حاجة السبب والله أعلم هبوط السكر العالي جدا، لحقوا طبعا، والسكر لما هبط عمل جفاف في الجسم، والبروتين نقص جدا من الجسم، فابتدت تمتنع عن الكلام والأكل والشرب.
وتابعت: ولما دخلت تعمل تشيك أب لقى في مية على الرئة، وشوية لقى كمان جلطة فعضلة القلب وقفت، بس الحمد لله شغلوها بفضل الله وهي دلوقت تحت الرعاية في العناية المركزة.
واختتمت: أنا بكلمها وهي من ساعة ما دخلت بتتكلم، ودرجة الوعي جميل، بس في أوقات بيدوها مهدئ عشان في حاجات راكبة.
في خراطيم عشان التنفس لإن الأكسجين نزل جدا عشان المية على الرئة، وعشان عضلة القلب وقفت.
فلازم يريحوا شوية متبقاش قاعدة مركزة قوي مبتنامش، فبيدوها مهدئ عشان تسترخي ويقدروا يشوفوا درجة التحسن.
