متابعة – نغم حسن
كشفت زوجة الفنان المصري خالد الصاوي عن آخر تطورات حالته الصحية بعد إصابته بالتهاب في الأعصاب نتيجة يوم طويل في التصوير.
وبحسب “الوطن”، قالت مي كريم، في تصريحات خاصة لـ”الوطن” عن خالد: “الحمد لله هو أحسن كتير عن الأول وخلاص خلال يومين. بالظبط هيرجع يصور فيلمه الجديد القاهرة مكة مرة تانية ويصور باقي أعماله”.
وتابعت مي عن إصابة خالد: “الإصابة كانت بسيطة هو بس كان عنده يوم تصوير طويل في فيلم “القاهرة مكة”. واليوم ده كله كان أكشن علشان كدا المجهود كان كبير عليه شوية مع العرق والرطوبة. تم إصابته بالتهاب في الأعصاب مش حاجة خطيرة يعني”.
وعن فكرة الاستعانة بدوبلير فقالت مي “لا خالد مبيحبش دا خالص بيحب هو يعمل كل حاجة بنفسه. علشان تقدر توصل للناس وكمان المخرج هاني خليفة نفس المدرسة بيحبوا كل حاجة تكون طبيعية”.
وأكدت مي أن “خالد” سعيد للغاية بالعمل مع الفنانة منى زكي، بطلة الفيلم. وسعيد بالعمل مع مخرج العمل هاني خليفة ومتحمس للغاية لاستكمال تصوير باقي المشاهد.
