متابعة – لجين اسماعيل :
مع صدور نتائج الثانوية العامة وتفاعل بعض الفنانين. ومشاركتهم ذكرياتهم، مطرب المهرجانات “حمو بيكا” يهاجم عبر فيس بوك المتنمرين عليه؛ بسبب عدم حصوله على شهادة.
وكتب بيكا قائلا: «بتقولو عني جاهل ومش متعلم.. مع إن دي حاجة أنا عمري ما أنكرتها ولا حتى خبيتها على الناس من يوم ما ربنا كرمني واتشهرت وبقي ليا جمهور، بس هرجع وأقولكم تاني إنها حاجة مكنتش بإيدي».
وأضاف: «أنت بقي يا متعلم التعليم علمك إنك تقعد تعاير الناس بعيوبها؟، التعليم علمك إنك تفضل تتنمر على خلق الله؟، التعليم علمك إنك مباح ليك الشتيمة في حد هو أقل منك في شيء؟، أكيد لا، فمتجيش من ورا شاشة وكيبورد تعمل فيها عم الناصح».
وتابع حمو بيكا: «وأنت أصلا موركش حاجة تعملها!، أنا متعلمتش ومنولتش الشرف الكبير ده، بس اتعلمت حاجات كتير في الدنيا أنت متعلمتهاش لسه، اتعلمت احترم الكبير والصغير.. اتعلمت أشقى وأتعب من صغري، اتعلمت إني مغلطش في حد.. اتعلمت حاجات كتير جدا في حياتي أنت عمرك مهتتعلمها طول ما أنت باصص للناس!».
واختتم «بيكا»: «فكر في كلامك كويس وكومنتاتك كويس قبل ما تكتبها، وقبل ما تقول إنك متعلم افتكر إنك في تربية وتعليم، يعني التربية قبل التعليم».
وكان حمو بيكا قد هنّأ عبر «فيس بوك»، طلاب الثانوية العامة، لتنهال التعليقات عليه بعد هذه التهنئة، التي تحتوي على التنمر.
