متابعة – نغم حسن
أوضح الفنان أحمد سعد، الاتهامات التي وجهتها له طليقته الفنانة سمية الخشاب بعد تصويرهما المشترك في مسلسل “موسىى”.
وبحسب “الوطن” قال سعد في مقابلة مع برنامج “التاسعة” المذاع على القناة الأولى بالتلفزيون المصري.: “متضايقتش منها بسبب الحاجات اللي كانت بتنزلها على صفحتها. لأن دي واحدة أنا مطلقها من سنتين غيابي. ومكنتش بجري وراها، وأنا خاطب وبحب خطيبتي جداً، وخطيبتي كانت عارفة إني رايح أصور مع سمية”.
وردّاً على اتهام سمية له بتصويره المسلسل من أجل المال، قال سعد: “ما كلنا بنشتغل عشان نسترزق”.
وأضاف: “بقالك 30 يوم في رمضان مطلعتيش تريند غير في اللحظة اللي أنا كنت فيها معاكي. وبعدين أنا روحت بسلامة نية، عشان محمد رمضان وأي حاجة بيقولهالي بعملها”.
وأوضح أن محمد رمضان تواصل معه حتى يغني في المسلسل. وسأله هل لديه مشكلة بسبب أداء الفنانة سمية الخشاب دور البطولة. فرد عليه: “مفيش علاقة وحشة بيني وبين سمية. وإذا كان فيه مشاكل من أي نوع، فدي مشاكل إدارية، وعندنا قضاء نزيه. وبنحكم القضاء، والغناء في المسلسل هيكون سلوك حضاري، وأنا معنديش مشاكل خالص”.
وأشار إلى أنه أخطأ، حيث قال: “أنا غلطت إني حركت فتيل المشاكل، لأنه أنا بتعامل مع السوشيال ميديا بشكل عشوائي. وأنا كنت بنزل على صفحتي الحاجات اللي الناس كاتباهالي كنوع من التقدير ليهم. ومن غير ما أخد بالي في وسط الزحمة نزلت حاجة فيها كلام ميصحش وأنا مرضاش أي حد يقوله لأي حد. وعملتله إعادة نشر في الزحمة وسط حاجات كتير أوي فحدثت المشاكل التي ظهرت فيما بعد”.
