متابعة _ لمى نصر:
بعد هجوم الفنانة حلا شيحة على تامر حسني، عبر أحمد دسوقي منتج فيلم “مش أنا”، عن غضبه الشديد من حلا. حيث كتب المنتج عبر فيسبوك قائلاً: “كل اللي طلبته حلا تامر نفذه وزيادة ومكانش ليها أي طلبات بخصوص الكليب، وتامر وقف في ضهرها وصمم يشيل كل اللي طلبته، وعارض كل جهات الإنتاج عشان كان في خطورة على دراما الفيلم وتحملها تامر على عاتقه، وفتح الفيلم تاني مع المخرجة ومعايا شخصياً، وبقينا بنشيل وبنحاول نحل الدراما بطريقة تانية مرهقة ومتعبة جداً”.
وأضاف دسوقي: “تامر عشان خاطر إرضاء حلا فضل قاعد في المونتاچ أسبوع كامل بيحل أضرار حذف المشاهد اللي طلبتها عشان السياق الدرامي ميتأثرش بالسلب، والحقيقة أن كل جهة الإنتاج كانوا رافضين الحذف لأن دا شغل وكل حد أخد أجره عليه، ومينفعش نبوظ فيلم بيتصور في سنتين وبيتحضر في سنة وفيه نجوم كبار عشان أستاذة حلا وصلت فجأة للسلام النفسي مع نفسها”.
وتابع: “أنا مصدوم من تصريحات حلا تحديداً في حق الراجل الوحيد اللي كان في ضهرها وكمان حارب عشان يجيبلها أجر كبير جداً عشان يرفع من روحها المعنوية بعد ما طلبت منه يساعدها عشان ترجع في السينما بقوة.. وللعلم… كلمة حق قدام ربنا في حق الراجل دا عشان أجرها المادي يكبر تامر خصم من أجره الشخصي عشان يتحط عند حلا، دا غير أنها مكانتش بترد علينا كلنا قبل طرح الفيلم نهائي”.
