متابعة: نازك عيسى
كشفت الإعلامية المصرية ريهام سعيد، عبلر صفحتها على الفيسبوك إصابتها بمرض السكري.
وقالت ريهام: “أنا طلعت تحاليلي أوحش حاجة والحمدلله وهو من التحاليل اللي ضايقتني أوي بخصوص السكر.. أنا اكتشفت أن جالي سكر ودي حاجة لا ألوم عليها حد غير نفسي، لأن أنا اللي حملت نفسي فوق طاقتي وكنت دايما بقول إن ربنا مش بيدي حد حاجة غير على قد طاقته.. السكر للأسف حاجة بشعة ولازم تحارب وما تاكلش وما تزعلش ودي حاجة صعبة أوي وسط اللي بنعيشه حاليا، لأن إحساس الظلم أكتر حاجة بتوجع وبتصايق، وعايزة أنصحكم ما تجوش أبدا على نفسكم ومفيش حاجة مستاهلة لأن كله بتدابير ربنا، وأهم حاجة لو ليكم أعداء زي ما الرئيس قال: لما تكون عايز ترد على منتقديك ما تقعدش ترد على كل واحد”.
وأكدت ريهام أن الوقت قد حان لتعتني بنفسها بعد ان كانت لأكثر من 20 سنة تهتم بالناس وعملها وأقاربها وعائلتها. وأشارت إلى إصرارها على النجاح والحفاظ على عمرها من أجل الوقوف لجانب ابنها وهي بكامل صحتها.
ودعت ريهام مصابي السكر للمحافظة على صحتهم . لافتة أنها تسامح كل من زعجها على أن يعطيه الله على قدر النية. وقالت: “لما وصلتني التحاليل حبيت أقولهم خلوا بالكم من نفسكم ومفيش حاجة في الدنيا مستاهلة لأن كل حاجة هتعدي، وما تاخدوش فوق طاقتكم، لأن ربنا عارف أنه بيدي كل واحد حاجة عارف إنه هيتحملها.. ما تضايقوش نفسكم أبدًا”.
وواصلت ريهام سعيد: “سعد الصغير بيتفرج عليّ، وسعد من أجدع الناس اللي شفتها في حياتي، أنا جالي سكر يا سعد”، مضيفة: “سمحت لناس يضايقوني طوال 20 سنة بدون وجه حق، وسمحت لنفسي بغبائي إني أضايق نفسي، لكن جاء الوقت اللي أخلي بالي فيه من نفسي وأوفر وقت كتير لي من غير أولادي أو شغلي ومن غير ما أهتم مين اللي بيتبلى عليّ ومين اللي بيهاجمني.. ربنا ينصرني على أعدائي اللي معرفش هم أعدائي ليه، ومش ذنبي إني ناجحة وأن اسمي رنان”.
