متابعة: روان ديوب
حلّت الفنانة بدرية طلبة ضيفة على برنامج “الستات ما يعرفوش يكدبوا”، المذاع عبر شاشة قناة “cbc”. وتحدّثت عن حالة الفنان شريف دسوقي قبل بتر ساقه.
وأكدت بدرية أنها كانت ترافقه لحظة بلحظة قبل البتر بمدة طويلة. وقالت: “أخدته على المستشفى، وكان صعب جدًا في التعامل مع الأطباء، وعشان نعمله إشاعة أو تحليل كان حدث. وكان عندي أمل إنه مايتمش البتر، ولكن الدكتور قال أنا هقرر جوا في العمليات، وتم قرار البتر لتدهور حالته”.
وكشفت بدرية عن إصابة شريف بفيروس كورونا قبل خضوعه لعملية بتر الساق. وأضافت: “وهو داخل يعمل العملية، اكتشف الدكتور إن عنده فيروس كورونا وكنت أنا مخالطة له بس كنت سيباها على الله. إذا كان قبله كنت مخالطة أحفادي وأولادي المصابين بكورونا وربنا نجاني”. وفقاً لما جاء في مجلة لها.
وتابعت: “قرار الرئيس عبدالفتاح السيسي تجاهه رفع من معنوياتنا كلنا، وكون إن الرئيس يهتم بيه رفع من معنوياته. والدنيا اتقلبت عشان شريف ودا عدل نفسيته شوية، ولما روحتله قبل كدا لقيته مش متزن نفسياً، واتفقت مع زميل ليا صديقنا إننا نسيطر على حالته ونساعده. لأني عارفة اللي حصل مع شريف دا كويس، ومريت بنفس الظروف مع بابا، لأنه بردو اتبترت رجله واللي أجرى عملية شريف هو نفس الدكتور اللي بتر رجل بابا”.
وأردفت: “هو اللي عمل كدا في نفسه عشان كان خايف، وغصب عنه، وهو كان تعبان نفسياً بسبب ظروف حصلتله زمان، وكان يواظب على علاج مُعين. ولما ربنا كرمه واشتغل بطّل يأخد العلاج، وحالته تدهورت، خصوصاً أنه داخل على نجومية، وأقام في الإسكندرية ومحدش عرف يسيطر عليه، وأنا روحت أخدته بالمسايسة وهو عِشرة عمري”.
